வவுனியாவில் படுகொலைச்சம்பவத்துடன் தொடர்புடைய ஆறு பேர் கைது!!

வவுனியா ஆச்சிபுரம் பகுதியில் இளம் குடும்பஸ்த்தர் படுகொலை செய்யப்பட்ட சம்பவத்தில் ஆறுபேரை கைதுசெய்துள்ளதாக பொலிசார் தெரிவித்தனர்.

கடந்த இரு தினங்களிற்கு முன்பாக வவுனியா ஆச்சிபுரம் பகுதியில் இரு குழுக்களிற்கிடையில் ஏற்ப்பட்ட மோதலில் குடும்பஸ்தர் ஒருவர் கட்டுத்துப்பாக்கியால் சுடப்பட்டும் வாளால் தாக்கப்பட்டும் படுகொலை செய்யப்பட்டிருந்தார்.

சம்பவத்தில் அதேபகுதியை சேர்ந்த ரஞ்சா என்று அழைக்கப்பட்ட 30 வயதான நபரே மரணமடைந்திருந்தார். 

குறித்த சம்பவம் தொடர்பாக விசாரணைகளை முன்னெடுத்திருந்த பொலிசார் சம்பவத்துடன் தொடர்புடையதாக சந்தேகிக்கப்படும் தந்தை ,மகன் உட்பட ஆறுபேரை நேற்றையதினம் கைதுசெய்துள்ளனர்.

அவர்களிடம் இருந்து தாக்குதலிற்கு பயன்படுத்தப்பட்டதாக தெரிவிக்கப்படும் இடியன் துப்பாக்கி (நாட்டு துப்பாக்கி) மற்றும் வாள்களும் பொலிசாரால் மீட்கப்பட்டது.

கைதுசெய்யப்பட்ட நபர்களை மேலதிக விசாரணைகளின் பின்னர் நீதிமன்றில் ஆயர்படுத்தப்படவுள்ளதாக பொலிசார் தெரிவித்தனர்.